कृषि तथा पशुपन्छी तथा वन तथा वातावरणमन्त्री गीता चौधरीको सम्पत्ति विवरण सार्वजनिक भएको छ। प्रधानमन्त्री तथा मन्त्रिपरिषद् कार्यालयले सार्वजनिक गरेको विवरणअनुसार उनको नाममा पशुचौपाया, सुनचाँदी, बैंक मौज्दात, जग्गा तथा अन्य सम्पत्ति रहेको देखाइएको छ।
विवरणअनुसार मन्त्री चौधरीसँग २ वटा बाख्रा र १० वटा कुखुरा रहेका छन्। ती पशुचौपाया उनले यसै वर्ष माइतबाट उपहार स्वरूप प्राप्त गरेको विवरणमा उल्लेख गरिएको छ।
त्यस्तै, उनको नाममा २ लाख ५० हजार रुपैयाँ बराबरको सेयर लगानी रहेको देखिएको छ। विभिन्न ५ वटा बैंकमा कुल १ लाख २६ हजार रुपैयाँ मौज्दात रहेको विवरणमा जनाइएको छ।
मन्त्री चौधरीसँग ५ तोला सुन र १०० तोला चाँदी रहेको पनि विवरणमा उल्लेख गरिएको छ, जसलाई पैतृक तथा स्वआर्जित स्रोतका रूपमा देखाइएको छ।
जग्गातर्फ बर्दियाको राजापुरमा ३० लाख रुपैयाँ मूल्यको जग्गा र रुपन्देहीको सैनामैनामा ११५० वर्गमिटर क्षेत्रफलको जग्गा रहेको विवरणमा देखाइएको छ।
त्यस्तै, ७५ हजार रुपैयाँको ल्यापटप, ९० हजार रुपैयाँको मोबाइल र ५० हजार रुपैयाँको घडी पनि उनको सम्पत्तिमा समावेश गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
