नेपाली महिला क्रिकेट टोलीले मलेसियामाथि दोस्रो खेलमा पनि जित निकाल्दै टी–२० सिरिज क्लिन स्वीप गरेको छ।
शुक्रबार भएको अन्तर्राष्ट्रिय टी–२० सिरिजको दोस्रो खेलमा नेपालले मलेसियालाई ७ विकेटले पराजित गरेको हो। पहिलो खेलमा पनि नेपाल २ विकेटले विजयी भएको थियो।
यस जितसँगै नेपालले सिरिज २–० ले आफ्नो पक्षमा पारेको छ।
मलेसियाले दिएको ८३ रनको सामान्य लक्ष्य नेपालले १६ ओभरमा ३ विकेट गुमाउँदै पूरा गर्यो।
नेपालका लागि सम्झना खड्काले उत्कृष्ट प्रदर्शन गर्दै ३७ बलमा अविजित ३९ रन बनाइन्। कविता कुवँरले २० बलमा अविजित १९ रन जोडिन् भने सोनी पाख्रिन १२ रनमा आउट भइन्।
मलेसियाका बलर नुर धानीया र एइसा एलिसाले समान १–१ विकेट लिए।
त्यसअघि टस जितेर पहिले ब्याटिङ गरेको मलेसियाले २० ओभरमा ९ विकेट गुमाउँदै ८२ रन मात्र बनाउन सक्यो।
नेपालका बलरमध्ये कविता कुवँर, रुबिना क्षेत्री र रिया शर्माले समान २–२ विकेट लिए भने पूजा महतो र सिता राना मगरले १–१ विकेट हात पारे।
नेपालको टोली हाल मलेसियामै रहेको छ, जहाँ आगामी एसियन गेम्स छनोट र एसिसी प्रिमियर कपको तयारी भइरहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
