उपचारका क्रममा मृत्यु भएका गणेश नेपालीका परिवारले सरकारले परिवारको जिम्मेवारी नलिएसम्म उनको शव नबुझ्ने अडान लिएको छ।
गणेशका भतिज मन नेपालीले सरकारले गणेशकी श्रीमती र छोरीको हेरचाहको जिम्मेवारी लिनुपर्ने माग गर्दै त्यतिन्जेलसम्म परिवारले शव नबुझ्ने बताएका हुन्।
कान्तिपुरसँग कुरा गर्दै उनले भने, ‘उहाँकी श्रीमती अझै पढ्दै हुनुहुन्छ। छोरी पनि सानै छ। परिवार पाल्ने जिम्मेवारी अंकलकै थियो। अब सरकारले उहाँकी श्रीमती र छोरीको जिम्मेवारी लिनुपर्छ। त्यो जिम्मेवारी नलिएसम्म हामी शव बुझ्दैनौँ।’
उनले सरकारले माग सम्बोधन नगरे आन्दोलनमा उत्रिने चेतावनी पनि दिएका छन्।
‘माइतीघर जानुपर्छ कि कहाँ जानुपर्छ, हामी आन्दोलन गर्छौँ,’ मन नेपालीले भने।
बिहीबार त्रिपुरेश्वरस्थित राहदानी विभाग अगाडि महानगर प्रहरीले गलत स्थानमा पार्किङ गरेको भन्दै गणेश नेपालीको मोटरसाइकलमा ‘ह्वील लक’ लगाएपछि उनले पेट्रोल छर्केर आत्मदाहको प्रयास गरेका थिए। गम्भीर घाइते भएका उनको उपचारका क्रममा मृत्यु भएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
