कांग्रेसभित्र जेनजी आन्दोलनपछि सुरु भएको महाधिवेशन समय र प्रक्रिया सम्बन्धी विवाद समाधान गर्न सभापति शेरबहादुर देउवा सक्रिय भएका छन्। कार्यबाहक सभापति पूर्णबहादुर खड्काले विवाद समाधानमा पर्याप्त पहल गर्न नसकेपछि देउवाले प्रत्यक्ष छलफल र बहसमा जुटेर पार्टीभित्र सहमति निकाल्ने प्रयास सुरु गरेका हुन्।
विशेष महाधिवेशन र नियमित महाधिवेशनका बारेमा फरक–फरक धारणा सार्वजनिक भएपछि पार्टीमा विवाद चर्किएको थियो। यसैबीच, महामन्त्री गगनकुमार थापा र विश्वप्रकाश शर्माले विशेष महाधिवेशनको पक्षमा हस्ताक्षर संकलन गरेपछि वैधानिकतासम्बन्धी प्रश्नहरू उठेका छन्।
सभापति देउवाले पार्टीभित्र एकताको विषयलाई ध्यानमा राख्दै औपचारिक र अनौपचारिक दुबै तहमा संवाद जारी राखेका छन्। उनले कार्यवाहक सभापति खड्का, उपसभापति धनराज गुरुङ, महामन्त्रीद्वय थापा–शर्मा र संस्थापन पक्षका चर्चित नेताहरूसँग विस्तारित छलफल गर्दै पार्टीभित्र बढ्दो अविश्वास, टकराव र ध्रुवीकरण अन्त्यतर्फ पहल थालेका छन्।
कांग्रेसमा संस्थापन–इतर समूहबीचको दूरी घटाउने प्रयासको रूपमा देउवाको यो सक्रियता महत्वपूर्ण मानिएको छ। पार्टी स्रोतका अनुसार महाधिवेशनको समय, प्रक्रियागत विवाद र शक्ति समीकरणका कारण निकासको स्पष्ट समय नतोकिएको भए पनि सभापति देउवाको पहलले चाँडै सहमतिको बाटो खुल्ने अपेक्षा गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
