सरकारले गत चैत १५ गते तीनकुनेको भीषण आगलागी घटनामा ज्यान गुमाएका पत्रकार सुरेश रजकलाई सहिद घोषणा गर्ने निर्णय गरेको छ। समाचार संकलनका क्रममा कर्तव्यनिष्ठाकै बीच वीरगति प्राप्त गरेका रजकलाई औपचारिक रूपमा राष्ट्रिय सम्मान प्रदान गर्ने उद्देश्यले मन्त्रिपरिषद्ले यो निर्णय गरेको हो।
आज बसेको मन्त्रिपरिषद्को बैठकपछि सरकारका प्रवक्ता तथा सञ्चार तथा सूचना प्रविधिमन्त्री जगदीश खरेलले रजकलाई सहिद सूचीमा समावेश गर्ने निर्णय सार्वजनिक गरे।
एभिन्यूज टेलिभिजनमा भिडियो पत्रकारका रूपमा कार्यरत रजक तीनकुनेस्थित आगलागी भएको भवनभित्रबाट प्रत्यक्ष रिपोर्टिङ गर्दै गर्दा घाइते भएका थिए। उपचारका क्रममा उनको निधन भएको थियो।
सरकारको यस निर्णयलाई पत्रकारिता क्षेत्रका प्रतिनिधिहरूले ‘कर्तव्यमा समर्पित एक पत्रकारप्रति राज्यको आधिकारिक श्रद्धाञ्जली’ को रूपमा लिएका छन्। रजकको योगदान स्मरणीय रहोस् र पत्रकार सुरक्षाको विषय अब अझै गम्भीरतापूर्वक उठोस् भन्ने अपेक्षा पनि व्यक्त गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
