पतञ्जली जग्गा अनियमिततासम्बन्धी मुद्दामा विशेष अदालतले पूर्वप्रधानमन्त्री माधवकुमार नेपालविरुद्ध परेको उजुरी, मुद्दा चलाउने निर्णय र सम्बन्धित कागजात झिकाउन आदेश दिएको छ।
न्यायाधीशद्वय नारायणप्रसाद पौडेल र डिल्लीरत्न श्रेष्ठको संयुक्त इजलासले सोमबार उक्त आदेश जारी गरेको हो। अदालतले अख्तियार दुरुपयोग अनुसन्धान आयोगलाई मुद्दा दर्ता गर्ने क्रममा तयार गरिएका सबै फाइल, उजुरी तथा सरकारी साक्षीहरूको विवरण विशेष सरकारी वकिलको कार्यालयमार्फत पेस गर्न निर्देशन दिएको छ।
आदेशमा २०६९ साल मंसिर २५ गते पतञ्जलीसम्बन्धी निर्णयका कागजातसमेत झिकाउन भनिएको छ। साथै प्रतिवादी पक्षलाई पनि आफ्ना साक्षी प्रस्तुत गर्न निर्देशन दिइएको छ।
विशेष अदालतले आवश्यक कागजात र प्रमाण प्राप्त भएपछि मात्र यस प्रकरणको थप सुनुवाइ अघि बढ्ने जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
