राष्ट्रिय स्वतन्त्र पार्टी (रास्वपा)का सभापति रवि लामिछाने र काठमाडौँ महानगरपालिकाका प्रमुख बालेन्द्र शाह (बालेन)बीच ‘बृहत् एकता’ सम्बन्धी सहमति भएको छ। आइतबार भएको सहमतिअनुसार पार्टीको केन्द्रीय सभापति रवि लामिछाने नै रहनेछन् भने आगामी प्रतिनिधिसभा निर्वाचनपछि संसदीय दलको नेता तथा भावी प्रधानमन्त्रीको उम्मेदवारका रूपमा बालेन शाहलाई अघि सारिने भएको छ।
रवि र बालेनबीच सहकार्य र एकताका विषयमा लामो समयदेखि छलफल हुँदै आएको थियो। विशेष गरी पछिल्लो एक हप्तादेखि दुवै नेताबीच निरन्तर भेटघाट र संवाद भएको थियो। औपचारिक र अनौपचारिक बैठकमार्फत साझा राजनीतिक दृष्टिकोण, नेतृत्व संरचना र भावी कार्यदिशाबारे छलफल भएपछि अन्ततः सहमति बनेको हो।
सहमति पत्रमा सामाजिक न्यायसहितको उदार अर्थतन्त्रमा आधारित बहुलवादी लोकतान्त्रिक प्रणालीभित्र सुशासन कायम गर्ने प्रतिबद्धता जनाइएको छ। भ्रष्टाचार र कुशासनविरुद्ध युवाहरूले उठाएका आवाजलाई संस्थागत रूपमा अघि बढाउने सहमतिमा उल्लेख छ। भदौ २३ र २४ को जेनजी आन्दोलनसहित विभिन्न जनआन्दोलनबाट उठेका मागलाई राजनीतिक एजेन्डाका रूपमा अगाडि बढाउने विषय पनि सहमतिमा समेटिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
