अर्थमन्त्री रामेश्वर खनालले राष्ट्रिय स्वतन्त्र पार्टी (रास्वपा)का नेता बालेन शाहले प्रधानमन्त्री बन्ने क्रममा अपनाएको शपथ ग्रहण विधिप्रति असन्तुष्टि जनाएका छन्।

खनालले आफ्नो फेसबुक पोष्ट मार्फत बालेनले “साइत हेरेर शपथ ग्रहण गर्ने” परम्परा अपनाएको प्रति आलोचना गरेका हुन्। उनले लेखेका छन्, “यो साइत देखाएर शपथ ग्रहण गर्ने परम्परा कत्ति मन परेन, हामीलाई साइत हेर्ने, देखाउने छुट वा समय नै थिएन।”

उनले थप्दै भनेका छन् कि उनीहरूले साइत हेरेर पदभार ग्रहण नगरे पनि, इतिहासमा पहिलो पटक स्वच्छ निर्वाचन सम्पन्न गर्न सफल भएको बताएका छन्। उनले लेखेका छन्, “तर इतिहासमा पहिलो पटक स्वच्छ निर्वाचन सम्पन्न भयो त !”

रास्वपाबाट प्रधानमन्त्री हुन लागेका बालेनले चैत १३ गते धार्मिक परम्परा अनुसार प्रधानमन्त्रीको शपथ ग्रहण गर्ने कार्यक्रम सार्वजनिक भइसकेको छ। शपथ कार्यक्रममा १०८ जना बटुकले स्वस्ति–शान्ति वाचन गर्ने, १०८ जना बौद्ध भिक्षुले शुभ–मंगल पाठ गर्ने र ७ वटा शंखबाट शंखनाद गरिने व्यवस्था छ।

यो शपथ ग्रहण कार्यक्रममा परम्परा र धार्मिक विधिलाई प्राथमिकता दिँदै रास्वपाले एकल सरकार गठन गर्ने तयारी गर्दैछ।