राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो पार्टीलाई जनताले सिंहदरबार चलाउने मात्र होइन, परिवर्तन गर्ने जिम्मेवारी दिएको बताएका छन्।

प्रतिनिधिसभामा सम्बोधन गर्दै उनले आफूहरूले सो जिम्मेवारीअनुसार काम अघि बढाइसकेको उल्लेख गरे। “हामीलाई सिंहदरबार चलाउन होइन, बदल्न दिएको हो । हामीले बदल्न सुरु गरिसकेका छौं,” उनले भने।

लामिछानेले जनताप्रति केवल आभार प्रकट गरेर मात्र नबस्ने पनि स्पष्ट पारे। उनले मतदाताले दिएको विश्वासलाई काममार्फत फर्काउने प्रतिबद्धता जनाए।

“म जनतालाई आभार मात्रै प्रकट गर्दिनँ । यो रोष्ट्रमबाट प्रतिज्ञा गर्छु, यो मतादेशको गुन हामी जिम्मेवारी पूरा गरेर तिर्छौं,” उनले भने।