गण्डकी प्रदेशका मुख्यमन्त्री सुरेन्द्र पाण्डेले मन्त्रिपरिषद् पुनर्गठन गरेका छन्। सत्तारुढ दल कांग्रेस र एमालेबीचको सहमति अनुसार मन्त्रीहरू हेरफेर गरिएको हो।
नयाँ नियुक्त मन्त्रीहरूलाई प्रदेश प्रमुख डिल्लीराज भट्टले शपथ गराइसकेका छन्।
पुनर्गठित मन्त्रिपरिषद्मा कांग्रेसतर्फबाट जित शेरचन अर्थमन्त्री बनेका छन्। नन्दप्रसाद न्यौपानेले ऊर्जा, जलस्रोत तथा खानेपानी मन्त्रालयको जिम्मेवारी पाएका छन्। रेखा गुरुङ सामाजिक विकास, युवा तथा खेलकुद मन्त्री नियुक्त भएकी छन् भने नम्डु गुरुङ वन तथा वातावरण मन्त्री बनेका छन्।
यस्तै एमालेतर्फबाट गोविन्दबहादुर नेपालीलाई भौतिक पूर्वाधार विकास तथा यातायात व्यवस्था मन्त्रालयको जिम्मेवारी दिइएको छ। उद्योग तथा पर्यटन मन्त्रालय यशोदा रिमालले सम्हालेकी छन्। लक्ष्मण पाण्डे कृषि, भूमि व्यवस्था तथा सहकारी मन्त्री बनेका छन् भने स्वास्थ्य मन्त्रालयको जिम्मा भीम कार्कीले पाएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
