नेपाली बजारमा सुन र चाँदी दुवैको मूल्यमा पुनः वृद्धि भएको छ।

नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला ३ लाख १ हजार रुपैयाँ पुगेको छ। यो अघिल्लो कारोबार दिन शुक्रबारको तुलनामा १ हजार २०० रुपैयाँले बढी हो।

यसअघि शुक्रबार सुनको मूल्य प्रतितोला २ लाख ९९ हजार ८०० रुपैयाँ कायम थियो।

त्यस्तै, चाँदीको मूल्य पनि बढेको छ। महासंघका अनुसार चाँदी प्रतितोला ९५ रुपैयाँले महँगिएर ५ हजार २२५ रुपैयाँ पुगेको छ।