एसियन गेम्स छनोट प्रतियोगिताको सेमिफाइनलमा नेपालले ओमानविरुद्ध टस हारेर पहिले बलिङ गर्ने भएको छ।

आजको खेलको विजेताले प्रतियोगिताको फाइनलमा स्थान बनाउनेछ भने पराजित टोलीले तेस्रो स्थानका लागि प्रतिस्पर्धा गर्नेछ।

टस जितेको ओमानले पहिले ब्याटिङ गर्ने निर्णय गरेपछि नेपाल बलिङमा उत्रिएको हो।

जारी प्रतियोगितामा नेपाली टोली अहिलेसम्म अपराजित रहेको छ। उत्कृष्ट लयमा रहेको नेपाल सेमिफाइनल जित्दै अपराजित यात्रालाई निरन्तरता दिने लक्ष्यसहित मैदानमा उत्रिएको छ।

नेपालले ओमानलाई पराजित गर्न सके फाइनलमा स्थान सुरक्षित गर्नेछ। प्रतियोगिताभर प्रभावशाली प्रदर्शन गरेको नेपाली टोली महत्वपूर्ण खेलमा पनि त्यही लय कायम राख्ने प्रयासमा रहेको छ।