नेकपा एमालेका उपाध्यक्षद्वय अष्टलक्ष्मी शाक्य र युवराज ज्ञवालीले पार्टीभित्र हुने आन्तरिक चुनावमा सहभागी नहुने स्पष्ट घोषणा गरेका छन्। आइतबार काठमाडौँको भृकुटीमण्डपमा बसेको केन्द्रीय कमिटी बैठकमा बोल्दै उनीहरूले आफ्नो निर्णय सार्वजनिक गरेका हुन्।
बैठकमा अष्टलक्ष्मी शाक्यले अब आफू चुनावी प्रतिस्पर्धामा नजाने बताउँदै पार्टीको हितलाई प्राथमिकतामा राखेर भूमिका निर्वाह गर्ने धारणा राखिन्। पार्टी व्यक्ति केन्द्रित होइन, विचार र संगठन केन्द्रित हुनुपर्ने उल्लेख गर्दै उनले पार्टीलाई बलियो बनाउने जुनसुकै काममा आफू निरन्तर लागिरहने बताइन्।
त्यस्तै, उपाध्यक्ष युवराज ज्ञवालीले पनि चुनाव नलड्ने निर्णय सुनाउँदै पार्टीबाट अलग नहुने स्पष्ट पारे। उनले नेतृत्वको दौडमा नउत्रिए पनि संगठन निर्माण र राजनीतिक गतिविधिमा सक्रिय रहने प्रतिबद्धता जनाए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
