दाङ जिल्लामा १२ हजार नागरिकलाई कोरोना भाइरस (कोभिड–१९) विरुद्धको खोप लगाइने भएको छ। खोप कार्यक्रम भदौ २ देखि ४ गतेसम्म जिल्लाका दश स्थानीय तहमा सञ्चालन हुनेछ।
स्वास्थ्य कार्यालय दाङका खोप फोकल पर्सन भानुज्योति वलीका अनुसार जिल्लाका ९५ वटा खोप केन्द्रमार्फत खोप लगाइनेछ। घोराही उपमहानगरपालिकामा १५ खोप केन्द्रबाट २ हजार ४ जना, तुलसीपुर उपमहानगरपालिकामा २५ केन्द्रबाट ५ हजार ४ जना, लमही नगरपालिकामा ८ केन्द्रबाट ९ सय ६० जनालाई खोप दिइनेछ।
त्यसैगरी राप्ती गाउँपालिकामा ९ केन्द्रबाट १ हजार २०, गढवा गाउँपालिकामा ९ केन्द्रबाट १ हजार २०, राजपुर गाउँपालिकामा ४ केन्द्रबाट २०४, बङ्गलाचुली गाउँपालिकामा ८ केन्द्रबाट ३००, बबई गाउँपालिकामा ४ केन्द्रबाट २९४, शान्तिनगर गाउँपालिकामा ५ केन्द्रबाट ५००, र दंगीशरण गाउँपालिकामा ७ केन्द्रबाट ६९६ जनालाई खोप लगाइने छ।
फोकल पर्सन वलीका अनुसार यसपटक फाइजर–बायोएनटेक मोनोभ्यालेन्ट खोप १२ वर्ष वा सोभन्दा माथि उमेर समूहका नागरिकलाई दिइनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
