सोलुखुम्बुको लोबुचेमा अल्टिच्युट एयरको हेलिकोप्टर बुधबार बिहान दुर्घटनामा परेको छ । सगरमाथा आधार शिविर नजिकैको हेलिप्याडमा अवतरण गर्ने क्रममा हिउँमा चिप्लिएर हेलिकोप्टर दुर्घटनामा परेको जिल्ला प्रहरी कार्यालय सोलुखुम्बुका डीएसपी मनोजित कुँवरले जानकारी दिएका छन् ।
दुर्घटनाको समयमा हेलिकोप्टरमा पाइलट विवेक खड्का मात्र सवार थिए । उनी सकुशल रहेका र तत्कालै उद्धार गरिएको प्रहरीले जनाएको छ । खड्कालाई कैलास एयरको अर्को हेलिकोप्टरमार्फत लुक्ला पुर्याइएको हो ।
डीएसपी कुँवरका अनुसार दुर्घटनाबाट हेलिकोप्टरमा सामान्य क्षति पुगेको छ । भक्तपुर निवासी पाइलट खड्का अहिले स्वास्थ्य परीक्षणका लागि लुक्लामै रहेका छन् ।
सगरमाथा क्षेत्र हाल लगातार हिमपात र तीव्र हावा चलिरहेका कारण हवाई गतिविधिमा असर परेको बताइएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
