प्रतिनिधिसभा विघटनविरुद्ध दायर रिटमाथि सर्वोच्च अदालतमा बुधबारदेखि सुनुवाइ सुरू भएको छ । एनेक्स भवनमा तयार पारिएको संवैधानिक इजलासमा पाँच सदस्यीय न्यायाधीशहरूको उपस्थितिमा प्रारम्भिक बहस सुरू गरिएको हो ।
प्रधानन्यायाधीश प्रकाशमानसिंह राउतको नेतृत्वमा गठित इजलासमा न्यायाधीशहरू सपना प्रधान मल्ल, कुमार रेग्मी, हरिप्रसाद फुयाँल र मनोजकुमार शर्मा सहभागी छन् ।
रिट सुनुवाइका क्रममा बहसकर्तालाई समान रूपमा ५–५ मिनेट समय दिइएको छ । रिट निवेदकको तर्फबाट प्रेमराज सिलवालले बहस सुरू गरेका छन् भने टिकाराम भट्टराईलगायतका कानुन व्यवसायीहरू पनि सुरुआती पक्षबाट प्रस्तुत हुने छन् ।
बहसको प्रारम्भमा प्रधानन्यायाधीश राउतले बहसकर्ताहरूलाई “विषयमा केन्द्रित भएर तर्क राख्न” आग्रह गरेका थिए । संसद् विघटनको संवैधानिक वैधता र प्रधानमन्त्री नियुक्तिसम्बन्धी निर्णयमाथि इजलासमा आज दिनभर बहस चल्ने अनुमान गरिएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
