सङ्घीय गणतन्त्र जर्मनीले इलामका बाढीपीडितहरूलाई राहत सामग्री सहयोग गर्ने घोषणा गरेको छ । नेपालका लागि जर्मनीका राजदूत उदो भोल्जले जर्मन गैरसरकारी संस्था डोइचे वेल्टहुङगेहिल्फे मार्फत सहयोग सामग्री वितरणको सम्झौता गरेका हुन् ।
राजदूत भोल्ज र सो संस्थाका देशीय निर्देशक सकेब नवीबीच मंगलबार उक्त सम्झौता सम्पन्न भएको जर्मन दूतावासले जनाएको छ ।
दूतावासका अनुसार करिब रु ६३ लाख ९६ हजार बराबरका सहायता सामग्री आगामी दुई महिनाभित्र स्थानीय समुदायको सहकार्यमा बाढीपीडितसम्म पुर्याइने छन् । राहत वितरणमा विपन्न र अत्यधिक प्रभावित परिवारलाई प्राथमिकता दिइने जनाइएको छ ।
यसअघि पनि जर्मनीले सर्लाही र रौतहटका बाढीपीडितका लागि करिब रु एक करोड ६४ लाख बराबरको राहत उपलब्ध गराएको थियो । जर्मनीले नेपालका विपद् प्रभावित क्षेत्रमा निरन्तर सहयोग गर्दै आएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
