पाँच वर्षदेखि अधूरो सडक आयोजना अलपत्र पार्ने ठेकेदार कम्पनीको जमानत रकम जफत गरिएको छ। महाशिला गाउँपालिकामा निर्माणाधीन लुंखुदेउराली–मिलनचोक–बालाकोट–होश्राङदी सडक निर्माण कार्यमा लामो समयदेखि काम अघि नबढेपछि पूर्वाधार विकास कार्यालय पर्वतले ठेकेदार कम्पनी पिआररओमबुद्ध जेभी (बसुन्धरा, काठमाडौं) को बैंक जमानत असुल गरेको हो। कार्यालयका प्रमुख सन्तोष अर्यालका अनुसार कम्पनीले पटक–पटक म्याद थप्दा पनि २०८१ चैत २९ गतेसम्म काम सुरु नगरेपछि अन्ततः जमानत नै जफत गर्नुपरेको हो।“हामीले १८ महिनाभित्र काम पूरा गर्न सम्झौता गरेका थियौं, तर अहिले पाँच वर्ष बितिसक्दा पनि ३५ प्रतिशत मात्रै काम भएको छ,” प्रमुख अर्यालले बताए। २०७८ जेठ १८ गते सम्झौता गरिएको उक्त सडक २०७९ फागुन १७ गतेसम्म सम्पन्न हुनुपर्ने थियो। तर, ठेकेदारले सडक चक्ल्याउने काम बाहेक अन्य संरचनागत काम […]