नेपाली कांग्रेसका महामन्त्री प्रदीप पौडेलले सुकुम्वासी बस्तीमा सरकारले हतारमा डोजर चलाएकोप्रति असन्तुष्टि व्यक्त गरेका छन् । पार्टी कार्यालय सानेपामा सञ्चारकर्मीसँग कुरा गर्दै उनले वास्तविक सुकुम्वासीको पहिचान नगरी सरकार अघि बढेको बताएका हुन् । उनका अनुसार सुकुम्वासी बस्ती हटाउनै नहुने भन्ने कांग्रेसको धारणा नभए पनि वास्तविक र नक्कली सुकुम्वासी छुट्याउनुपर्ने आवश्यक प्रक्रिया पालना नभएको छ । ‘हाम्रो प्रस्ट कुरा हटाउनु हुँदैन भन्ने होइन। सबै वास्तविक सुकुम्वासी थिए भन्ने पनि होइन,’ उनले भने, ‘तर वास्तविक सुकुम्वासीलाई नछुटाई सबैलाई नक्कली भन्दै गरिएको व्यवहार उचित भएन।’ पौडेलले यस विषयमा जाँचबुझ र अध्ययन आवश्यक रहे पनि त्यसलाई बेवास्ता गर्दै सरकारले अघि बढेको आरोप लगाए । उनले सुकुम्वासी बस्तीमा बल प्रयोग गरिएको भन्दै सरकारले हतारमा निर्णय कार्यान्वयन गरेको […]