बल्खुस्थित सुकुमवासी बस्ती हटाउने क्रममा सोही क्षेत्र नजिकै बागमती नदीमा एक व्यक्ति मृत अवस्थामा फेला परेका छन्। शुक्रबार बिहान घर भत्किएको दृश्य हेर्न नसक्ने भन्दै घरबाट निस्किएका व्यक्ति दिउँसो मृत अवस्थामा भेटिएको परिवारले जनाएको छ। मृतक ६१ वर्षीय इन्द्रबहादुर राई रहेको उनकी पत्नी सरिता राईले बताएकी छन्। उनका अनुसार बिहान घर भत्किएपछि उनी एक्लै “हेर्न सक्दिनँ” भन्दै घरबाट बाहिरिएका थिए। स्थानीयका अनुसार राईको परिवार बल्खुस्थित सुकुमवासी बस्तीमा करिब १६–१७ वर्षदेखि बस्दै आएको थियो। उनी बल्खु सब्जीमण्डीमा काम गर्ने गरेको पनि बताइएको छ। घटनापछि प्रहरी टोलीले घटनास्थलमा मुचुल्का तयार गरी शव पोस्टमार्टमका लागि महाराजगञ्जस्थित त्रिभुवन विश्वविद्यालय शिक्षण अस्पताल पठाएको छ। जिल्ला प्रहरी परिसर काठमाडौंका अनुसार घटनाबारे थप अनुसन्धान जारी छ। मृतकको पहिचान पुष्टि […]