कलाकार सागर लम्साल ‘बले’ गम्भीर आरोपमा पक्राउ परेपछि यो घटना अहिले व्यापक चर्चा र बहसको विषय बनेको छ। जिल्ला प्रहरी परिसर काठमाडौंका अनुसार उनलाई बूढानीलकण्ठको कपनस्थित बालुवाखानी क्षेत्रबाट नियन्त्रणमा लिइएको हो। प्रहरी प्रमुख एसएसपी रमेश थापाका अनुसार उनीविरुद्ध गम्भीर प्रकृतिको उजुरी परेपछि अनुसन्धानका लागि पक्राउ गरिएको हो। यो प्रकरणको सुरुवात अमेरिकामा बस्दै आएकी एक युवतीले सामाजिक सञ्जालमार्फत गरेको सार्वजनिक आरोपबाट भएको हो। ती युवतीले आफूलाई कलाकार सागर लम्सालले अमेरिकामा रहँदा जबर्जस्ती सम्बन्ध राखेको आरोप लगाएकी छन्। युवतीका अनुसार घटना एक वर्षअघि भएको हो, जतिबेला बले अमेरिका पुगेका थिए। उनले आफ्नो अपार्टमेन्टमा बोलाएर विश्वासको सम्बन्ध दुरुपयोग गर्दै आफूलाई बलात्कार गरिएको दाबी गरेकी छन्। उनले सामाजिक सञ्जालमा लेख्दै आफू लामो समयदेखि डिप्रेसन र एन्जाइटी […]