आइसिसी मेन्स टी-२० विश्वकप एसिया एन्ड इएपी छनोटमा नेपालले सुपर-६ मा स्थान पक्का गरेको छ। समूह-२ को खेलमा आज जापानले कुवेतलाई ५ विकेटले पराजित गरेसँगै नेपाल र जापान अन्तिम खेलअघि नै सुपर-६ मा पुगेका हुन्। कुवेत लगातार दुई खेलमा हार ब्यहोर्दै समूह चरणबाट बाहिरिएपछि नेपाल र जापानले अन्तिम समूह खेलअघि सुपर-६ मा स्थान बनाएका हुन्।यसअघि बुधबार भएको नेपालले कुवेतमाथि ५८ जित निकालेको थियो। बिहीबार जापानले पनि कुवेतमाथि ५ विकेटको जित निकाल्यो। कुवेतले दिएको १७८ रनको लक्ष्य जापानले ३ बल खेल्न बाँकी छदा ५ विकेटको क्षतिमा पूरा गर्‍यो। जापानका लागि इसम रहमानले ३९ बलमा ९ चौका  र २ छक्का प्रहार गर्दै ६४ रन बनाए। यस्तै ओपनर तथा कप्तान कोडावाकी फ्लेमिङले १९ बलमा २८ […]