राष्ट्रिय मानव अधिकार आयोगले हाल देखिएका अस्थिरता र हिंसात्मक गतिविधिप्रति गम्भीर ध्यानाकर्षण गर्दै नागरिकको ज्यान, सम्पत्ति र स्वतन्त्रताको सुरक्षा सुनिश्चित गर्न सरकारसँग जोडदार आग्रह गरेको छ । आयोगले बुधबार जारी गरेको विज्ञप्तिमा जेन–जी आन्दोलनका क्रममा असोज २३ र २४ गतेका घटनामा देखिएका मानव अधिकार उल्लंघन र सम्पत्तिको क्षतिप्रति चिन्ता प्रकट गर्दै जिम्मेवार निकायहरूबाट प्रभावकारी कदम चाल्न माग गरेको छ । आयोगका अनुसार ती घटनाले सामाजिक सौहार्द, कानूनको शासन र नागरिक आस्थामाथि नकारात्मक प्रभाव पारेका छन् । आयोगले हिंसा, तोडफोड र घृणात्मक अभिव्यक्तिहरूले लोकतान्त्रिक अभ्यासमा क्षति पुर्‍याउने चेतावनी दिंदै राजनीतिक दलहरू, नागरिक समाज र सुरक्षासंस्थाहरूबीच समन्वय र संयमता आवश्यक रहेको बताएको छ । “शान्ति–सुरक्षाको आधार कानूनी शासन र आपसी सहकार्य हो,” विज्ञप्तिमा भनिएको […]